Ely 7asal

Sunday, June 19, 2005

يا جماعة جدى ماااااااااااااات

ايوة والهى مات...دى اول حاجة كونت عايزة اصرخ واقولها لما جدى ماتكنت عايزة اجرى واصرخ واقول جدى ماتمحدش حس بيا ولا فهم اصلا يعنى ايه ما كل الناس بتموت ..لا جدو لا, ده علمنى كل حاجه علمنى ازاى ابقى انا وازاى افهم مين اناعلمنى حاجات كبيرة وحاجات بسيطهعلمنى اقرا اول واحد حط ى ايدى قصة من قبل حتى ما افهم يعنى ايه قرايه ادانى ميكىوقالى اقرى ولما كبرت شويه ادانى رجل المستحيل قالى انتى كيرتى خلاص بعدين شخط فيا وقالى اكبرى واقرى لنجيب محفوظ ويوسف السباعى بعدين ادانى قصة الحضارة وقالى اقرى ..بس انا مقريتش ..دخلت كاية ونسيت ومهتميتش ..وطنييشتعلمنى اصلى .وعلمنى واعدى الشارع وقفنى وسط الشارع وقالى عدى بصى يميمن وشمال وعدى ومتجريش وسط العربيات.علمنى ماحطش ايدى فى جيبى وانا ماشية فى الشارع دى مشية ( التنابلة ) زى ما كان بيقولكنت اكلمه فى التليفون يقولى ازيك يا بنت الكلب اقوله وماله ما هو ابنك برده اشتم براحتك ولم قالى ازيك من غير يا بت الكلب اقوله مالك يا جدى انت زعلان منىكنت اقوله ازييك يا جدو عامل اية يقولى عامل عبيط, كان يقولى عايزه حاجة اقوله عايزه سلامتك يقولى وانا اقعد من غير سلامه يا بت الكلبوكنت العب فى شعره الفضى الناعم وهم يفضل يشتمهو ده جدو حبيبى كل ده كنا بنعملهمع بعض بس دخلت الكلية والدنيا خدتنى عن كل حاجه حتى عنه كان يكلمنى يقولى وحشتينى اقوله معلش مش فاضيه حبقى اجيللك يا حبيبى والله بس اخلص .. ومبخلصش ..ومبروحش ..وكنت اقول معلش حبقى اروحله مكنتش متخيله انه مش حيستنانى زى ما كان بيستنانى كل مرةقبل ما يموت دخل المستشفى حوالى اربع ايام بعدين خرج خفت علية اوى وقلت لازم اسال علية كل يوم وسالت علية بس مش كل يوم .ورحتله بس مش كتير ..وعدى شهر والتانى وانا لا بسال ولا بروح بس هو اللى جه وملحقتوش كنت فى الكلية ونزل بعد ما جيت بشوية..اختى الكبيرة راحتله يوم وكنت حروح معاها بس ..مرحتشاه ه ه لو كنت اعرف ان ده اخريوم ايوه كان اخر يوم ممكن ارحله فيهومرحتش ولا كلمته حتى, تانى يوم دخل المستشفى تانى طلعت من الكلية على المستشفى ..كان فى العناية المركزه حتى الزياره ملحقاتهاش يا دوب شفته فى المنيتور وشورلنا بايده كانه بيودعنا ونام على جنبه و...وخلاصتانى يوم صحيت على الخبر لقيت اختى فى الارض بتعيط وماما اقعده بتعيط كانه ابوها مش حماهامبقتش عارفه اعمل ايه قولت لا لا انا متعوده انه يستنانى ليه بس ليهيارب كان يوم كمان بس اقعد معاه شويه ..ومات جدى وخلاصاللى راح مبيرجعش كل اللى بايدى انى ادعى انى احلم بيه ..وحلمت بيه بس مشفتوش فى الحلم حلمت انى عايزه اقوله انه وحشنى وانى بحبه اوى ..بس برده فى الحلم ملحقتش ..صحيت قبل ما اقوله مع ان الحلم كان طويل . زى السنين الطويله اللى عدت ونسبت اكلمه واقوله فيها عامل اية يا حبيبى ..عامل عبيط